Almaty qalasynyń ákimi Baqytjan Saǵyntaev Túrksib aýdanynyń qoǵamdyq keńistiginiń abattandyrý jumystarymen tanysty. Bul týraly ákim óziniń Instagram paraqshasynda jazdy, dep habarlaıdy Egemen.kz.
"Túrksib aýdanynyń qoǵamdyq keńistiginiń abattandyrý jumystarymen tanystym. Esep berý kezdesýleri kezinde turǵyndardyń ózderi usynǵan ýchaskelerge erekshe kóńil bólindi. Mysaly Jas Kanat yqsham aýdanyndaǵy qaraýsyz qalǵan jerdiń ornyna saıabaq, al Sobolev kóshesinde sport alańy paıda boldy. Jańartylǵan "Býdenyı" alańymen birge bul jerler eresekter men balalardyń súıikti mekenine aınaldy. Munda ýaqytty tıimdi ótkizýge barlyq jaǵdaı jasalǵan.⠀Aýlalar retke keltirilýde. Ahmetov kóshesindegi úı turǵyndarynyń aıtýynsha, olar úı mańyndaǵy aýmaqtyń jóndelýin 30 jyl kútken. Zamanaýı oıyn, vorkaýt jáne demalys aımaqtary turǵyndar úshin taptyrmas oryn boldy. Olar birlese aýmaqty kógaldandyrdy. Endi MIB qurý máselesin qolǵa alyp, óz aýlalarynda tártip ornatpaqshy. Bul — quptarlyq áreket. Turǵyndar turǵyn úı sharýashylyǵyn ustaý máselelerin óz betinshe sheshýge quqyly jáne sheshe de alady", dep jazdy qala ákimi.